3.DES - JÓLADAGATALIÐ

3.DES - JÓLADAGATALIÐ

 🎅 Þriðja æfingin 🤶

 

Nú komum við okkur vel fyrir og gefum sjálfum okkur frábæra jólagjöf, sem heldur svo áfram að gefa út árið  😈 Og mundu að gera herbergið eða rýmið kósí fyrir æfinguna!

Ég skipti öllum æfingunum í tvennt, annars vegar fyrir pör / fólk með bólfélaga og hinsvegar einstaklinga.

 

Verkefni dagsins er... : Genital sensate focus eða strokuæfingar... með græjum!

 

Fyrir pör/bólfélaga ❤️

Tími: 20 mínútur + undirbúningur

Undirbúningur: 10 mínútur

Undirbúið herbergið þannig að það sé nógu heitt til að vera ber í. Dempa ljós, kannski tónlist og jafnvel einhvern ilm, bara hafið alveg eins og ykkur líður best.

Ekkert áfengi fyrir æfingu því vín deyfir skynfærin.

Verkefni:

Þú strýkur líkama makans þíns í 10 mínútur, 5 á hvorri hlið. Maki þinn strýkur svo þinn líkama í 10 mínútur, 5 á hvorri hlið. Þú byrjar á því að liggja á maganum, þá er bakhliðinni strokið og svo eftir 5 mínútur þá leggstu á bakið. Þú strýkur maka þínum eins þig langar að strjúka viðkomandi, þetta er ekki nudd, þetta eru strokur.

Nú má nota fjöður, silkiklút, nuddtæki, kertavaxgaffal, flogger, bursta, eða bara hvað sem ykkur dettur í hug!

Það má strjúka allann líkamann einnig kynfæri og brjóst. Og kannski setja sérstaka áherslu á einmitt kynfærin EN EKKI TIL AÐ FULLNÆGJA.

...Og það er bannað að stunda kynlíf.

Þið getið fundið fyrir greddu, það er eðlilegt en ekki bregðast við heldur leyfið ykkur að vera í greddunni.

Talið saman að lokinni æfingu.

Hvaða hugsanir komu upp? Náðir þú að slaka á? Hvernig leið þér / ykkur ? Hvað var notalegt? Hvað hefðir þú viljað meira af? osfrv...

Ekkert áfengi fyrir æfingu en það er í lagi að fá sér smá eftir æfinguna.

 

Fyrir einstaklinga 💖

Þú leyfir þér að strjúka eigin líkama í 10 mínútur að meðtöldum kynfærum og brjóstum. Og kannski setja sérstaka áherslu á einmitt kynfærin EN EKKI TIL AÐ FULLNÆGJA.

Þú ræður hvort þú gerir þetta fyrir framan spegil eða ekki.

Bannað að fróa sér og bannað að drekka áfengi fyrir æfingu.

Gott er að skrifa niður hugsanirnar og tilfinningarnar sem vöknuðu um líkamann, verkfærin sem þú notaðir, og þig sem kynveru og hvort þessi æfing hafi kveikt í þér.

 

**ATH - Það er ekkert sem bannar þér að gera einstaklingsæfinguna líka þó þú sért í sambandi eða ef maki þinn vill ekki gera paraæfinguna**

 

Æfingin er fengin með góðfúslegu leyfi hjá Áslaugu Kristjánsdóttur kynfræðingi

Næsta æfing kemur inn rétt eftir miðnætti...


ég vil skrifa athugasemd!

U sko bara svo þú vitir þá þarf þessi Sigga Dögg að samþykkja allar athugasemdir áður en þær birtast...