kynVera

Um kynVeru
kynVera fjallar um unglingsstúlkuna Veru sem hefur ótal spurningar um kynlíf, ástina og sjálfa sig en fá svör. Við fáum að grípa inn í dagbókarfærslur Veru þar sem hún reynir að rekja aftur ákveðna atburðarás til að ákveða næstu skref. Og hún er að bíða eftir því að byrja á blæðingum. Vinir eru fyrirferðamiklir í lífi unglinga og miklir áhrifavaldar, og kynnist Vera einmitt nýjum vinkonum sem eru opinskáar í meira lagi og fræða þær Veru um blæðingar, sjálfsmynd, femínisma, kynlíf, sjálfsfróun, fantasíur og píkuna og allskonar.

kynVera er lauslega byggð á unglingsárum höfundar en einnig á algengum spurningum unglinga úr kynfræðslu fyrirlestrum. En það er ekki bara kynlíf í sögunni! Nei nei alls ekki! Það er einnig fjallað um umhverfisvernd, plast, söknuð, missi, móðurleysi, samskipti foreldra og unglinga, áfengi og jólagjafir.
Svo fátt eitt sé nefnt.
 
Þetta er önnur prentun af bókinni því fyrsta upplagið seldist hratt og örugglega upp. Bókin kom fyrst út árið 2018.
 
Hér má hlýða á og horfa á upplestur.
Og hér má lesa falega úttekt á bókinni og hvernig megi nýta hana til kennslu.